തിരുവനന്തപുരം ശാഖയുടെ ജനുവരി മാസ കുടുംബസംഗമം ജനുവരി 12-ന് വെള്ളയമ്പലം ആൽത്തറ നഗർ ചൈതന്യയിലുള്ള ശ്രീ കെ ജി രാധാകൃഷ്ണന്റെയും ശ്രീമതി കലാദേവിയുടെയും വസതിയിൽ നടന്നു.
കുടുംബസംഗമത്തിലേക്ക് ശ്രീ രാധാകൃഷ്ണൻ അംഗങ്ങളെ സ്വാഗതം ചെയ്തു, തുടർന്ന് ശ്രീമതി ഗീത ആർ കുട്ടി പ്രാർത്ഥന നടത്തി. കഴിഞ്ഞ മാസം അന്തരിച്ച ശാഖയുടെ മുൻ പ്രസിഡണ്ടും രക്ഷാധികാരിയുമായിരുന്ന ശ്രീ എ എ പി ആർ ഉണ്ണിയുടെ സ്മരണക്കായി ഒരു മിനിറ്റ് മൗനം ആചരിച്ചു.
ശ്രീ എൻ ഉണ്ണികൃഷ്ണൻ നവംബർ മാസത്തെ റിപ്പോർട്ട് വായിച്ചു, ശ്രീ പി പി അനൂപ് നമ്മുടെ ശാഖയുടെ കണക്കുകൾ അവതരിപ്പിച്ചു.
കഴിഞ്ഞ വർഷത്തെ പോലെ ശ്രീ കെ ജി രാധാകൃഷ്ണൻ പുതുവത്സര കലണ്ടർ സ്പോൺസർ ചെയ്തു, ആദ്യത്തേത് ശ്രീ പി ജി ഗോപിനാഥിന് സമ്മാനിച്ചു. തുടർന്ന് എല്ലാ അംഗങ്ങൾക്കും കലണ്ടർ കൈമാറി.
തുടർന്ന് ശാഖയുടെ പ്രവർത്തനങ്ങളെക്കുറിച്ച് ഒരു പൊതു ചർച്ച നടന്നു.
ശേഷം വനിതാ അംഗങ്ങളുടെ തിരുവാതിര നൃത്താവിഷ്കാരവും നടന്നു.
പങ്കെടുക്കുത്തവർ:
ശ്രീമതി അംബിക
ശ്രീമതി സത്യഭാമ
ശ്രീമതി ഗീത ആർ കുട്ടി
ശ്രീമതി ജയ
ശ്രീമതി കലാദേവി
ശ്രീമതി സുമംഗല ഗോപിനാഥ്
ശ്രീമതി ആരതി ടി പി
ശ്രീമതി ഗീത കെ യു
തുടർന്ന് ശ്രീമതി പത്മാവതി പിഷാരസ്യാർ ഭക്തിഗാനവും തിരുവാതിര ഗാനവും ആലപിച്ചു. ശ്രീമതി സത്യഭാമ ഒരു ഭക്തിഗാനവും ശ്രീ എൻ ഉണ്ണികൃഷ്ണൻ ശിവനെക്കുറിച്ചുള്ള സംസ്കൃത ശ്ലോകവും ആലപിച്ചു. ഹർഷിത് വിഷ്ണു ഒരു ചലച്ചിത്ര ഗാനവും ആലപിച്ചു.
ഫെബ്രുവരി മാസത്തെ യോഗം ശ്രീ അനൂപ് പി പിയുടെ വസതിയിൽ നടത്താൻ തീരുമാനിച്ച്( തീയതി വാട്ട്‌സ്ആപ്പ് ഗ്രൂപ്പ് വഴി അറിയിക്കുന്നതാണ്) കുടുംബസംഗമം ഒരുക്കിയ ശ്രീ കെ ജി രാധാകൃഷ്ണന് അംഗങ്ങളുടെ പേരിൽ ശ്രീ മുരളീധരൻ നന്ദി പറഞ്ഞു കൊണ്ട് യോഗം പര്യവസാനിച്ചു.