തിരുവനന്തപുരം ശാഖയുടെ ഫെബ്രുവരി മാസ കുടുംബസംഗമം ഫെബ്രുവരി 16 ന് പൊങ്ങമൂട് പ്രശാന്ത് നഗർ റോഡിലുള്ള കാർമൽ ഹൈറ്റ്‌സിലെ ശ്രീ പി പി അനൂപിന്റെയും, ഡോ. കീർത്തിയുടെയും വസതിയിൽ നടന്നു.
കുടുംബസംഗമത്തിലേക്ക് , ശ്രീ. അനൂപ് അംഗങ്ങളെ സ്വാഗതം ചെയ്തു. തുടർന്ന് സംവൃത സന്ദീപ് പ്രാർത്ഥന ചൊല്ലി. കഴിഞ്ഞ കുടുംബസംഗമത്തിനുശേഷം മരിച്ചവർക്ക് അനുശോചനം രേഖപ്പെടുത്തി.
സമാജത്തിന്റെ കേന്ദ്ര വാർഷികം ഇരിങ്ങാലക്കുടയിൽ നടത്താനുള്ള തീരുമാനം ഉൾപ്പെടെ കേന്ദ്രത്തിന്റെ സമീപകാല സംഭവവികാസങ്ങളെക്കുറിച്ച് ശ്രീ ജഗദീഷ് പിഷാരടി അംഗങ്ങളെ അറിയിച്ചു. തുടർന്ന്, ജനുവരി മാസത്തെ ശാഖ റിപ്പോർട്ട് ശ്രീമതി വിദ്യ കെ എൻ വായിച്ചു, കണക്കുകൾ ശ്രീ പി പി അനൂപ് അവതരിപ്പിച്ചു.
ശ്രീ കെ കെ പിഷാരടി, ശ്രീ ടി പി രാമൻകുട്ടി, ശ്രീ പി പി ഹരിദാസ് എന്നിവർ കഴിഞ്ഞ നിരവധി വർഷത്തെ ശാഖ പ്രവർത്തനങ്ങളെ അനുസ്മരിച്ചു.
ശ്രീ ദിലീപ് വിജയൻ (മാനേജർ, ബാങ്ക് ഓഫ് ഇന്ത്യ, ബാലരാമപുരം),തോണമംഗത്ത് പിഷാരം, തൃശൂർ, തന്റെ അമ്മ ശ്രീമതി ഭവാനി വിജയന്റെ 84-ാം ജന്മദിനത്തോടനുബന്ധിച്ച് കേന്ദ്രത്തിന്റെ പെൻഷൻ ഫണ്ടിലേക്ക് 10,000 രൂപ സംഭാവന ചെയ്യുന്നതായി പ്രഖ്യാപിച്ചു.
ശ്രീമതി പത്മാവതി പിഷാരസ്യാർ ശിവരാത്രിയുടെ പ്രാധാന്യത്തെക്കുറിച്ച് ഒരു പ്രഭാഷണം നടത്തി, ഒരു ഭക്തിഗാനവും ആലപിച്ചു. ശ്രീ രാമൻകുട്ടിയും, ശ്രീമതി ഉഷാദേവിയും സംസ്കൃത ശ്ലോകം ആലപിച്ചു. ശ്രീമതി ഹേമ എൻ എസ്, ഹർഷിത് വിഷ്ണു എന്നിവർ ചലച്ചിത്ര ഗാനങ്ങൾ ആലപിച്ചു.
അടുത്ത കുടുംബസംഗമം മാർച്ച് 9 ഞായറാഴ്ച 11AMനു ശ്രീ പി പി മുരളീധരന്റെ വെള്ളയമ്പലത്തെ വസതിയിൽ നടത്താൻ തീരുമാനിച്ച് , കുടുംബസംഗമത്തിനു ആതിഥേയത്വം വഹിച്ച ശ്രീ അനൂപിനും ഡോ. കീർത്തിക്കും അംഗങ്ങളുടെ പേരിൽ ശ്രീ സന്ദീപ് എം പി നന്ദി പറഞ്ഞു യോഗം പര്യവസാനിച്ചു.
Congrats